Иран ішімдікке салынғаны үшін өлім жазасына кесілген адамды ақтады

Хабарларға қарағанда, Иран билігі ішімдікке салынғаны үшін өлім жазасына кескен жас жігітті ақтап шығарды. 22 жасар ол жігіт бірнеше рет ішімдік ішіп ұсталған. Оның адвокаты өз қорғауында жігіт өзінің қылығына қатты өкініш білдірді деген соң, үкімі қайта қаралған. Ирандағы ислам заңы бойынша ішімдік ішуге Иранда қатаң тыйым салынған. Және заң бұзушы айыппұлмен жазаланып, егер үшінші рет тағы ұсталса, өлім жазасына кесілуі керек делінген.