Грузиялық миллиардер және оппозиционер Бадри Патаркацишвили кеше түнде Лондонда жүрек талмасынан қайтыс болды

Бұл жөнінде бүгін Патаркацишвилидің көмекшісі хабарлаған. Британия полициясы бұл кенеттен күтпеген жағдайда болған қазаның күмәнді жақтары бар дегенді айтқан. 52 жасар Патаркацишвили қаңтар айының басында Грузияда өткен президенттік сайлауға кандидат ретінде қатысып, өзінің сайлау науқанын қаржыландырған болатын. Ол сайлаушылардың 7 процент даусын алған еді. Өткен жылы Грузияда наразылық шерулері болған уақыттан бері қаржы алыбының елден сырт жерде тұруына тура келген еді.