Дүниежүзілік денсаулық сақтау ұйымы Қазақстан сияқты бұрынғы совет елдерінде туберкулездің дәрі-дәрмекке көнбейтін түрі ұлғайып жатыр деп мәлімдеді. Туберкулездің бұл түрі болжамдарға қарағанда шапшаң тарап жатыр делінеді ұйымның жаңа баяндамасында. Туберкулездің емге бағынбайтын түрі жоғары боп тұрған аймақтар ретінде Молдова, Украинаның Донецк облысы, Ресейдің Томск облысы, Өзбекстан астанасы Ташкент аталды. "Нью-Йорк таймс" газеті бүгін жазғандай, туберкулездің мұндай түрі бұрын Қазақстанда көп болса, қазір бірінші орынға Әзірбайжан шықты.