ПРИШТИНА: Косовоның солтүстігіндегі сербтер басым тұратын Косовска-Митровица қаласында кеше кешкісін жарылыс болды. Жапа шеккен ешкім жоқ. Жарылыс БҰҰ-ның өкілдігі мен полиция кеңсесі орналасқан ғимараттың маңында болып, өкілдіктің 2 автокөлігіне зақым келді. Соңғы күндері халқының басым көпшілігін албандар құрайтын Косовоның тәуелсіздік жариялауына наразы болған сербтер әлгі ғимаратқа талай рет шабуыл жасады.
