Иран президентінің Ираққа сапары бүгін аяқталады

Махмуд Ахмадинежадтың наурыздың 2-сінде басталған бұл сапары барысында екі жақ 7 келісім-шарттарға, оның ішінде өнеркәсіп, сауда, тасымал салалары бар, қол қойды. Сапар барысында Ахмадинежад Ирақтан АҚШ-тың бастауындағы шетелдік күштері шығуы тиіс, деді. Ирақ президенті Жалал Талабанимен кездесуін Ахмадинежад “бауырмалдық жағдайда болды” деп сипаттады. Сондай-ақ Ирақ үкімет басшысы Нури әл-Маликимен де Иран президенті Бағдатта кездесті.