АҚШ мемлекеттік хатшысы Израил мен Палестинаны бейбіт келіссөздерді қорытындылауға шақырды

Кондолиза Раис израилдықтар мен палестиндіктерден АҚШ қолдау білдіретін бейбіт келіссөздерді аяқтауды сұрады. Палестина келіссөздерді 100 адамды мерт еткен Израилдың шабуылдарына наразылық ретінде тоқтатып тастаған болатын. Бүгін Израил мен Батыс жағалауға сапарын бастайтын Кондолиза Раис қақтығыстарға қарамастан, Израил мен Палестина тараптары қалаған жағдайда жыл аяғына дейін бітімгершілікке қол жеткізеді деп сенетіндігін айтқан.