Ауғанстан заң шығарушылары Данияда Мұхаммед пайғамбардың суреттері қайта басылғанына өз наразылықтарын білдірді

200-ден астам депутат парламент сыртында Мұхаммед пайғамбарды бейнелейтін даулы суреттердің Дания басылымдарында қайта жарық көргеніне қарсы наразылық жиынын өткізді. Заң шығарушылар сондай-ақ Нидерландыда Исламды сынайтын фильмнің жарыққа шыққалы жатқанына да өз наразылықтарын танытты. Олар Ислам жауларына ажал деп айқайлап, Дания мен Нидерланды үкіметтерін Аллаға тіл тигізу әрекеттерінің алдын алуға, болдырмауға шақырды. Жексенбі күні Мазари Шариф қаласындағы осындай наразылық шеруіне 700-дей адам қатысқан болатын.