Ақ Үйдің айтуынша, Иранмен соғысты АҚШ үкіметінде ешкім қаламайды

Баспасөз-хатшысы Дана Перино кеше журналистердің алдында сөйлеген сөзінде әкімшіліктегілер Иранға орай дипломатиялық жолдан басқа ешнәрсені ұсынып отырған жоқ деп мәлімдеді. Ал осыдан бір күн бұрын Ауғанстан мен Ирақтағы операцияларға жауапты болған АҚШ қолбасшысы адмирал Уиллиям Фаллон осы айдың соңында өз қызметінен кетіп жатқанын хабарлады. Өткен аптада "Esquire" басылымында жарияланған мақалаға қарағанда, адмирал Фаллон Буш әкімшілігін Иранмен соғыстан аулақ болуға шақырған көрінеді.