Беларус үкіметі АҚШ елшілігінде қызметкерлер саны қысқарсын деп талап қылды

АҚШ үкіметі Беларусқа экономикалық санкциялар қойған соң екі ел арасында дипломатиялық дау орын алып отыр. АҚШ үкіметі Беларус мемлекеттік мұнай компаниясы коррупцияға батқан деп шектеулер қойған. Беларус үкіметі бұған наразылық танытып, өткен аптада АҚШ елшісі Карен Стьюартты елден шығарып жіберді. Беларус үкіметі Америка Құрама Штаттарындағы елшісін де қайтарып алды. Енді міне елшілік қызметкерлері азайтылсын деген талап айтылды.