Бүгін Пәкістанның Талибан қозғалысы елдің жаңа премьер министрінің келіссөз өткізу жөніндегі ұсынысын өздері оң қабылдайтынын айтты. Қозғалыстың өкілі айтқандай, келіссөздер аймақтағы қауіпсіздік жағдайын жақсартуы мүмкін. Бірақ, ол Исламабад тез арада Құрама Штаттар мүддесі үшін соғысын тоқтатып, америкашыл саясатымен қоштасуы қажет деген. Пәкістан премьер министрі Юсуф Раза Гилани кеше өзінің қаруларын тастайтын жауынгерлермен сөйлесуге дайын екенін айтқан.
