БРЮССЕЛЬ: Еуропа Одағы Косоводағы қоғамдық тәртіпті қамтамасыз ету үшін осы өлкеге өзінің миссиясын орналастырмақшы. Миссия – полицейлер мен судьялардан және прокурорлардан – бас-аяғы 1800 адамнан тұрады. Еуроодақтың өкілдері сербтер басым тұратын аудандарға да орналасады. Косовоның серб тұрғындары өлкенің өткен ақпан айында Сербиядан бөлініп өз бетінше тәуелсіздік жариялауына және Еуроодақтың халықаралық миссиясын орналастыруына түбегейлі қарсы болып келді.
