Ресейдің бұрынғы тыңшысы өзін улағанын айтып отыр

Британия полициясы Лондонда тұратын ресейлік бұрынғы КГБ тыңшысы Олег Гордиевскийдің ауруханаға түсуіне оны біреулердің уландыру әрекеті себеп болды ма деп тергеп жатыр. Олег Гордиевский британдық басылымға берген сұхбатында, өзінің уланып ауруханаға түскенін айтқан. Және өзін өлтіруге әрекет етті деп Кремльді айыптаған. Ресей баспасөзі Гордиевский осыған дейін Лондонда тұрып жатқанда уланып өлтірілген Александр Литвиненконың досы дегенді жазып жатыр.