Польша зымыраннан қорғаныс жүйесіне қатысты Мәскеумен келіссөз өткізуге дайын

Польша жерінде зымыраннан қорғаныс жүйесін орналастыру жөніндегі АҚШ жоспарына байланысты Варшава Мәскеумен келіссөз өткізуге дайын екенін хабарлады. Польша сыртқы істер министрінің орынбасары Витоль Вашиковскийдің мәлімдеуінше, зымыраннан қорғаныс жүйесін орналастыру жоспарына Ресейдің қосылуына қатысты әртүрлі мәселені талқылауға Польша үкіметі әзір тұр.