Нью-Йорктің федералдық судьясы ауғанстандық ірі есірткі саудагері Башир Нурзаиге тағылған айыпты алып тастаудан бас тартты

Ауғанстандық тайпа жетекшісінің соты 19-мамырда басталуы тиіс. Нурзаи Нью-Йоркте 2005 жылы ұсталып, құны 50 миллион доллардан асатын есірткі заты - героинді Америкаға алып кірген деп айыпталған болатын. Айыпталушының адвокаты оның есірткі делдалы болғандығын жоққа шығарып, АҚШ үкіметі Нурзаиға Америкаға келгенде тұтқындалмайды деп уәде бергендіктен, тағылған айыптар алынуы керек деп талап етуде.