Израиль Газа секторына отын тасымалын тоқтатты

Палестиналық жауынгерлер Хамас бақылауындағы Газа аймағын отынмен қамтамасыз ететін жанар-жағар май қоймасына шабуыл жасаған соң, Израиль Газа секторына отын тасымалын тоқтатты. Сәрсенбі күні орын алған ол шабуылдан екі Израиль азаматы қаза тапты. Шабуылға байланысты жауапкершілікті «Исламшыл жихад» пен тағы басқа екі радикалды топ өз мойнына алды. Премьер-министр Ехуд Олмерт Израиль әскерилері жауап ретінде Хамасқа соққы береді деп ескертті.