Қырғыз оппозициясы бірлескен құрылтай өткізіп, қарар қабылдады

Бүгін Қырғызстан астанасы Бішкекте елдегі оппозициялық партия өкілдері, үкіметтік емес ұйымдары және басқа да зиялы қауым өкілдерінен құралған екі мыңдай адам жиналып, халық құрылтайын өткізді. Бұл кездесуді бірнеше оппозициялық партиялар мен үкіметтік емес ұйымдардың Қоғамдық парламенті ұйымдастырып отыр. Құрылтайға қатысушылар қазіргі парламентті таратып, ел конституциясын жарамсыз деп тануға шақырған 9 баптан тұратын қарар қабылдады. Қырғыз билігі бұл талаптарды қабылдамай, конситутцияны өзгерту мәселесі тек референдуммен ғана шешіледі деп отыр.