Кеше Газадағы қақтығыстарда 20 адам опат болды

Қаза тапқандардың арасында 17 палестиндік және Рейтер агенттігінің бір телеоператоры, үш Израил әскері болған. Кемінде 9 палестиндік, оның ішінде екі бала бар, Газаның оңтүстігіндегі Әл-Бурей босқындар лагерінде мерт болды. Көргендердің айтуынша, келесі бір әуе шабуылында телеоператор Фадхил Шана және екі палестиндік Газаның орталық аймағында қаза тапқан. БҰҰ-ның Бас хатшысы Бан Ки Мун Таяу шығыста қақтығыстардың жандана түскеніне алаңдаушылық танытты.