АҚШ ресмилері Сирияны айыптайтын видео көрсетпекші

Хабарларға қарағанда, бүгін АҚШ ресмилері Конгресс алдында Солтүстік Корея Сирияға ядролық реактор құруға көмектесуде деп мәлімдемекші. Аты-жөнін атағысы келмеген АҚШ ресмилерінің айтуынша, конгресмендерге видео қойылатын болады. Онда өткен жылдың жазында Сирияның ядролық нысанында Солтүстік Кореялықтардың жүргендері көрсетіледі мыс. Израиль әскер ұшақтары ол жерді қыркүйек айында бомбылаған болатын. Сәрсенбі күні БҰҰ-дағы Сирия елшісі Башар Жафари Солтүстік Кореяның Сирияға ядролық реактор құруға көмектесіп жатқанын жоққа шығарды.