АҚШ президенті Джордж Буш Вашингтонда Палестина президенті Махмұд Аббаспен кездесті

Джордж Буш Израиль мен Палестина бейбіт келіссөздері биылғы жылдың соңына дейін табысқа жетеді, Палестина дербес мемлекет дәрежесіне көтеріледі, бұған сенімдімін деді. АҚШ пен Палестина президенттері кездескен сәтте "Хамас" тобы Газа секторында және бәлкім Батыс Жағалауда жарты жыл мерзімге бітім келісімін жасауды ұсынды. Израиль үкіметі ұсынысты қабылдамады, бітім келісімі "Хамас" тобына күш жинауға мүмкіншілік береді деді.