Президент Гурбангулы Бердімұхамедов пен ирандық қонақ Сейед Реза Кассайзаденің бұл басқосуында Иранды Түркмен газымен қамтамасыз ету сауалы қаралған екен. Хабарларға қарағанда, сөйлесулерден нақты нәтиже бола қоймаған. Түркмен елі Иранға жөнелтетін газын осы жыл басында кілт тоқтатқан болатын. Ресми түрде Түркмен билігі “құбырларды жөндеуден өткіземіз” деген сылтау айтқан еді. Шын мәнінде Иранның төлеген баға деңгейіне Ашхабадтың көңілі толмады, дейді журналистер.
