Түркия президенті сөз еркіндігін кеңейтетін заңға қол қойды

Түркияның мемлекеттік басылымдары президент Абдулла Гүл сөз бостандығы заңына енгізілген өзгерістер мен толықтыруларды мақұлдады деген хабар таратты. Анадолы жаңалықтар агенттігінің хабарлауынша, түзетулерге сәйкес бұдан бұрын зиялы қауым өкілдерінің кейбірін жауапқа тартуға мәжбүр еткен шектеулер алынып тасталады. Ол бап бойынша түрікшілдікке тіл тигізді деп табылғандар жазаланатын. Евродақ бұл өзгертулерді құптап қарсы алды.