Қытай мен қуғындағы Тибет үкіметі арасында міндетті түрде келіссөз болады

ДҺАРАМСАЛА: Тибеттің рухани серкесі Далай-ламаның ресми өкілі Лоди Гияриге Қытай басшылығы Тибеттің тағдыры бойынша келіссөздің міндетті түрде болатыны туралы кепілдік берді. Гияридің айтуына қарағанда, тараптар алдағы келіссөздің күн тәртібіне қойылатын бірқатар нақты ұсыныстармен алмасып үлгерді. Далай-лама өкілінің сөзі бойынша, Қытайдың төрағасы Ху Цзиньтаоның өз үкіметі алдағы келіссөзге салмақпен қарайды деген таяуда айтқан сөзін Тибеттің рухани серкесі ықыласпен қабылдады.