Сыйлыққа ие болған Иран журналисі түрме ауруханасына түсті

“Каргозаран” атты реформашыл газет алайда Емадеддин Бағидің денсаулық жағдайы жөнінде айта қоймаған екен. Ол өткен жылдың қазан айында тұтқындалған болатын. Иран мемлекеті жүйесіне қарсы насихат жасап, құпия құжаттарды жарияладың, деген айып оған тағылған еді. Өткен айда Бағиға Британия баспасөз саласының сыйлығы берілген болатын.