Иранның Брюссельдегі елшісі Еуроодақ басшылығы мүшесімен кездесті

БРЮССЕЛЬ: Кеше Бельгияда Иранның елшісі Алиасгар Хаджи Еуроодақтың сыртқы саясат басшысы Хавьер Соланамен жүздесті. Елшіліктің хабарлауынша, Хаджи Соланаға бірқатар халықаралық проблемаға, оның ішінде Иранның даулы ядролық бағдарламасына қатысты бірнеше ұсыныс берді. Иран елшілігі ол ұсыныстардың жай-жапсарын айтпай, олардың “саясатқа, қауіпсіздікке, экономика мен энергетикаға және атом қуатын бейбіт мақсатқа пайдалану мәселелеріне қатысты болғанын” хабарлады. Солананың ресми өкілі оның Иран елшісімен кездескенін растады, бірақ қосымша ақпар бермеді.