БІШКЕК: Адамның құқын қорғайтын ұйымдардың қарсылығына қарамастан қырғыз үкіметі Өзбекстанға Еркін Халиков деген өзбек азаматын ұстап бермекші. Өзбек үкіметі Е.Халиковты экстремизммен шұғылданды деп айыптайды. Шекарадан заңсыз өткені үшін қырғыз түрмесінде жазасын өтіп жатқан Е.Халиков ресми Бішкектен өзіне саяси пана беруді өтінген болатын. Сейсенбі күні халықаралық “Human Rights Watch” ұйымы қырғыз үкіметін өзінен саяси пана сұраған Халиковты Өзбекстанға ұстап бермеуге шақырды.
