КИЕВ: Украина – бүгіннен бастап Дүниежүзілік сауда ұйымының мүшесі. Ол туралы экономика министрлігін сілтеген Украинаның УНИАН ақпарат агенттігі хабарлады. Украинаның Дүниежүзілік сауда ұйымына қосылуы туралы хаттамаға Женевада осы ұйымның директоры Паскаль Лами мен украин президенті В.Ющенко 5-інші ақпан күні қол қойды. Хаттаманы Украина парламенті – Жоғарғы Рада – 10-ыншы сәуір күні заңдастырып, 16-ншы сәуірде үкімет мақұлдап, президент қол қойып бекітті.
