НЬЮ-ЙОРК: БҰҰ-ның Бас хатшысы Пан Ги Мун таяу күндері Мьянмаға келіп, ел басшылығымен тропикалық дауылдан жапа шеккен аудандарға арналған қайырымдылық көмекті күрт ұлғайту мәселесін талқылайды. Бас хатшының өкілі Мишель Монтас хабарлағандай, Пан Ги Мун халықаралық ұйымдардың көмек беру әрекетін жеделдетпекші. Мьянмадағы табиғи апаттың құрбандарын бүгіннен бастап 3 күн аза тұтады. Жалпы тропикалық дауылдың соғынан 133 мыңдай адам не қаза болды немесе хабарсыз кетті.
