Түркменстан президенті бүгін Әзірбайжанға сапар жасайды

Бүгін Түркменстан президенті Гурбангұлы Бердымұхаммедов Әзірбайжанға алғашқы ресми сапарын бастайды. Келіссөздер ұсынылған Каспий құбыры мәселесіне арналуы мүмкін. Каспий Теңізіндегі мұнай кен орындарына байланысты бұл екі елдің қарым-қатынастары бұрын шиеленісті жағдайда болған. Осыдан 7 жыл бұрын Түркменстан өз елшісін еліне қайтарған еді. Наурыз айында Түркмен елшісі Әзірбайжанға оралды. Қазір енді екі мемлекет Каспий жағалауы бойынша өтеді деп ұсынылған құбырды дамытуға ниет танытып отыр.