Далай-лама Қытай үкіметі өзінің өкілдерімен тиянақты келіссөзге отырады деп үміттенеді

ЛОНДОН: Тибеттің рухани серкесі Далай-лама Қытай үкіметін Тибетте тағы да қақтығыстың шығуы мүмкін деп ескертті. Ағылшындардың беделді “Financial Times” газетіне берген сұхбатында Тибет буддашыларының серкесі Қытай билігі таяу апталарда өзінің өкілімен тиянақты келіссөзге отырады деген үмітін білдірді. Сонымен бірге Далай-лама Тибет халқының сабырсыз бөлігі бейбіт келіссөз арқылы Тибетке автономия алып беруге деген өзінің саясатына сенімін жоғалта бастағанын атап көрсетті.