Арселор Миттал Теміртау компаниясына қарасты кеніште 5 жұмысшы жер бетіне шықпады

Қазақстанның Қарағанды облысының Шахтинск қаласындағы кеніште түнгі сағат төртте кезекті рет апат болды. 96 кенші қауіпсіз жаққа көшірілгенімен 5 кенші әлі табылмады. Бұл туралы Астанада маусымның 2-і күні төтенше жағдайлар министрлігі хабарлады. Апат көмір мен метан газының жарылуынан болған дейді, министрлік. Кейбір парламент депутаттары үнді миллиардері Лакшми Миттал ақшасын үнемдеп, кеніштерді газдан дұрыс тазартпады деп отыр.