Иранда адам хұқын қорғаушы әйел бес жылға түрмеге жабылды

Хани Абдиге ұлттық қауіпсіздікке қатер төндірді деген айып тағылған. Иран басылымдарының дерегіне қарағанда, студент Хани Абди өткен жылы қазан айында Күрдстан провинциясында тұтқындалған. Ол күрд әйелдер тобының белсендісі, Ирандағы отбасы мен ажырасу, мұрагерлік, балаларды түрмеге қамау турасындағы Ислам заңдарының өзгеруін талап етушілердің «Бір миллион қол» деп аталатын науқанына қатысып, қол жинаған.