АҚШ-тың Ауғанстан әскері мен полициясын жасақтауға арналған жан-жақты жоспары жоқ

Үкіметтік есеп кеңсесі Мемлекеттік департамент пен Пентагон Ауғанстан әскерін дамыту жоспарын ұсынбайынша, Конгресс оны қаржыландыруды мақұлдай алмайды дейді. АҚШ Үкіметтік есеп кеңсесінің айтуына қарағанда, Ауғанстан әскері мен полициясы НАТО мен АҚШ жасақтарының жеткілікті көмегінсіз қауіпсіздік міндетін өз мойындарына алуға әлі дайын емес. Ауғанстандық 105 әскери бөлімшенің тек екеуі ғана толық қабілет-күшке ие деп атап көрсетілген.