Ханты-Мансийск қаласында бүгін Ресей мен Европа Одағының саммиті ашылады

Мамыр айында қызметіне кіріскен Ресейдің жаңа президенті Дмитрий Медведев Европа Комиссиясының президенті Хосе Мануель Барозу және Европа Одағының сыртқы саясат үйлестірушісі Хавиер Солананы екі күн қонақ қылады. Келіссөздердің басты мақсаты – Ресей мен Европа Одағы арасында “стратегиялық әріптестікке” қол жеткізу. Энергетика мен қауіпсіздік мәселелері де күн тәртібінде. Европа Одағы Ресей бұрынғы әдетіне салып, мұнай мен газ байлықтарын көршілес елдерге қысым жасауға пайдаланбасын дейді.