Оңтүстік Осетия үкіметі “жаппай мобилизация” науқанын жариялады

Сепаратистік Оңтүстік Осетияның үкіметі Грузия әскерімен арада кескілескен атысу болған соң “жаппай мобилизация” науқанын жариялады. Оңтүстік Осетия ресми өкілдері Грузия әскері өткен түні ел астанасы Цхинвалиді және жақын маңдағы екі ауылды миналармен атқылады, кемінде бір адам өлтірілді, бірнеше адам жарақат алды дейді. Оңтүстік Осетия үкіметінің өкілі мина шабуылдары жалғасса ауыр қарудан оқ атып, жауап қайтарамыз деді. Грузия ресми өкілдері, керісінше, шабуылды Оңтүстік Осетия тарабы бастады, Грузия әскери бекеті мен бірнеше грузин ауылы атқыланды дейді. Европадағы қауіпсіздік және ынтымақтастық ұйымы бүгін жасаған мәлімдемесінде Грузия мен сепаратистік Оңтүстік Осетияны сабырға шақырды.