Өзбекстан билігінің хабарлауынша, елдің оңтүстігіндегі қару қоймасындағы бірнеше жарылыстан 3 адам қаза тауып, 20 шақты кісі жараланған. Төтенше жағдайлар министрлігінің айтуынша, Қаған қаласындағы қару-жарақ қоймасындағы жарылыс өрттен болған. Хабарларға қарағанда, жарылыстың дүмпуі 10 шақырым жерге дейін жетіп, қаланың тұрғындары басқа жерге көшірілген.
