Сирия президенті Башар Әл-Асад ресми сапармен Парижге келді

Ол Франция президенті Николас Саркозимен келіссөз өткізбек, одан ары Жерорта теңізі Одағының құрылтайына қатыспақ. 2005 жылы Ливанның бұрынғы бас министрі Рафик Харири өлтіріліп, бұған Сирия агенттері қатысқан деп күдіктелген соң Сирия оқшауланған еді. Сирия президенті Башар Әл-Асад халықаралық сахнаға содан бері енді-енді шығып отыр. Жерорта теңізі Одағының құрылтай жексенбі күні өтетін болады, жаңа ұйымда қырық шақты мемлекет бас қосып отыр.