Каспийдің құқықтық мәртебесіне байланысты отырыс қыркүйекте өтеді

23-24 шілдеде Бакуде Каспий теңізінің құқықтық мәртебесіне байланысты Каспий теңізі жағалауы елдерінің жұмысшы тобының отырысы өтуге тиіс болатын. Онда Қаспий теңізінің қауіпсіздік мәселесі қаралмақшы еді. Әзірбайжандағы Қазақстанның елшісі Серік Пірімбетов осыдан бірнеше күн бұрын Каспийде бес елдің әскери-теңіз күшін құру мәселесіне қатысты Қазақстан жағының көзқарасын білдірген. Өз сөзінде ол Қазақстан жағының мұндай қажеттілік көріп тұрмағандығын ескерткен. Сәрсенбі күні Әзірбайжан Сыртқы Істер министрлігі отырысты өткізу мерзімінің қыркүйек айына шегерілгендігін хабарлады.