Оңтүстік Осетия: Грузия әскери шабуыл жасады

Бүгін Оңтүстік Осетияның жікшіл билігі грузиялық күштер бақылауды алу жолында ауылдық екі жерде оқ атып, қару жұмсады деп мәлімдеді.
Бұл арада Интерфакс агенттігі осы аймақтағы Ресей бітімгершілік күштері қолбасшысының орынбасары Грузияны өткен түнде Оңтүстік Осетияға соғыс ұшақтарын жіберді деп айыптаған хабарын таратты.
Бұны Грузия тарабы жоққа шығарып, жікшіл аймақ жетекшілерін "соғыс елесін" тудыруға тырысып отыр деген айыптау айтты.