Пәкістан армиясы елді паналаған тәліптерге ойсырата соққы беріп жатыр

Пәкістанның әскерилері хабарлағандай, соңғы 4 күннің ішінде ауған шекарасына жақын аумақта жалғасқан қақтығыстарда 100-ге тарта тәліптің көзі жойылды. Үкімет армиясының 9 жауынгері оққа ұшты. Қақтығыстар - өткен аптада тәліптер ауданның әкімшілік орталығы - Хар қаласының іргесіндегі күзет постына тұтқиылдан шабуыл жасаған кезден басталды. Осы аудан халқының тәліптер мен “Әл-Қаида” содырларына пана беріп, жасыратындығы жақсы мәлім.