Обама мен Байден халық алдына шықты

АҚШ Демократиялық партиясының президенттіктен үміткері Барак Обама және онымен бірге сайлау бәйгесіне түспек вице-президенттіктен үміткер Джо Байден халық алдына шықты. Онда Обама 35 жыл АҚШ Сенатында қызмет еткен Джо Байденді "табиғатынан сыпайы, керемет жетістігі бар адам" деп мадақтады. Демократиялық партия өзінің құрылтайын дүйсенбі күні Денвер қаласында бастамақшы. Бұл жиында Обама мен Байден қараша айында өтетін президенттік сайлауға Демократиялық партия атынан ресми түрде президент және вице-президенттіктен үміткер ретінде ұсынылады.