Батыс Ресейдің жікшіл аймақтарға қатысты шешімін сынауда

Ресей Грузияның жікшіл аймақтарының тәуелсіздіктерін мойындаған соң Батыс елдері ресми Мәскеуге қалай жауап қайтару керек деген мәселені қарап жатыр. Ресейдің Абхазия мен Оңтүстік Осетияны тәуелсіз мемлекет ретінде тану шешіміне байланысты АҚШ мемлекеттік хатшысы Кондолиза Райс “халықаралық қауымдастық бұл екі елді Грузияның аймағы деп қарауын жалғастыра береді” деген. АҚШ президенті Джордж Буш атап өткендей, Мәскеу бұл “жауапкершіліксіз шешімін” қайта қарауы керек.
Еуропа Одағы осы мәселе бойынша алдағы дүйсенбіде төтенше саммитін өткізеді.