Қыркүйектің 1-күні Ақордада Президент Нұрсұлтан Назарбаевтың төрағалығымен Қазақстан Республикасы Қауіпсіздік Кеңесінің отырысы өтті, деп хабарлайды Президенттің баспасөз қызметі.
Онда таяуда Душанбеде өткен Шанхай ынтымақтастығы ұйымына мүше мемлекеттер басшыларының кеңесінен туындаған мәселелер қаралған. Сонымен бірге, Қазақстанның экономикалық ахуалы мен ішкі саясатының жағдайы және Кавказдағы қақтығыс аймағына гуманитарлық көмек көрсету мәселелері талқыланған.
