Астанаға Германия Президенті келді

Германия Федеративтік Республикасының Федералды Президенті Хорст Келер мемлекеттік сапармен сейсенбі күні Астанаға келді. Екі күнге жалғасатын сапар барысында ол екі мемлекеттің арасындағы саяси, сауда-экономикалық және мәдени-гуманитарлық әріптестік мәселелері бойынша Қазақстан басшылығымен кездеседі. Сондай-ақ, екі елдің мемлекеттік органдары және іскерлік топтарының өкілдерімен бірге экономикалық жиынға қатысады.