БҰҰ Иранға қатысты жаңа Қарар қабылдады

БҰҰ Қауіпсіздік Кеңесінің сенбі күні бірауыздан мақұлданған жаңа Қарары Теһранды уран байытуды тоқтату сұралған бұдан бұрынғы талаптарды орындауға шақырады. Қарарда жаңа санкциялар қарастырылмаған.

БҰҰ-ның Иранға қарсы бұған дейінгі үш қайтара салынған санкцияларын тағы бір мақұлдаумен шектелген бұл Қарар Ресей Теһранға қарсы жаңа санкция қолдануына жол бермейміз деп мәлімдеген соң қабылданды.