БҰҰ Пәкістандағы өкілдерінің балаларына алаңдайды

Біріккен ұлттар ұйымы Пәкістандағы қауіпсіздіктің ахуалына алаңдап, өзінің осы елдегі өкілдерінің балаларына дереу елден кетуге бұйрық берді. Ұлттар ұйымы өзінің өкілдеріне Исламабадта, Равалпиндиде және ауған шекарасына жақын Куетта қаласында бала-шағасымен бірге тұруға рұқсат бермеді. Оған себеп: Пәкістанда қантөгіс көбейіп барады, оның ішінде өткен айда Исламабадтың Марриот қонақ үйінде жарылыс болып, 50-ден астам адам құрбан болды. Олардың арасында 3 АҚШ азаматы мен Чехия елшісі болды.