Алматы аэропортына бір күнде екі рет жарылғыш зат қойылды деген жасырын қоңырау түсті

Бұл туралы Төтенше жағдайлар министрлігінің баспасөз қызметі хабарлады. Алғашқы қоңырау бесінші қазан күнгі таңғы сағат 06.52-де түскен. ІІД –не шалынған қоңыраудан кейін құтқарушы топ аэропорттан 1500 адамды алып шыққан. Бірақ ешқандай жарылғыш зат табылмаған. Кешкі сағат 18.50-де «03»-ке шалынған екінші қоңырау бойынша да 1200 адам эвакуация жасалды, бұл жолы да ешқандай қауіпті жарылғыш жоқ болып шықты, — делінген хабарламада.