АҚШ пен Канада және Еуропа елдерінің орталық банктері пайыздық өсімді азайтқан соң ғаламдық қаржы нарықтарындағы жағдай тынышталған көрінеді. Бүгін сауда басталысымен-ақ, Еуропаның қор биржаларындағы көрсеткіштер өсті. Ал оның алдында Азия нарықтарындағы индекстер де қайта қалпына келе бастады. Сонымен қатар, Қытай, Гонконг, Тайвань, Оңтүстік Корея да пайыздық өсімдерін қысқартты. Алайда қаржы мекемелерінің тұрақтылығы мен ғаламдық рецессияға байланысты алаңдаушылықтар көбейіп жатқандықтан несие нарығындағы жағдай тынышсыз болып тұр.
