Әлемдік қаржы дағдарысынан мұнай да арзандады

“Үлкен жетілік” елдері ғаламдық қаржы дағдарысын ауыздықтау үшін барлық амалды қарастыруға уәде береді.
Әлемнің жетекші 7 мемлекетінің қаржы министрлері мен Орталық банктерінің төрағалары Вашингтондағы басқосудан кейін қаржы нарығын қалпына келтіру үшін қоян-қолтық іс атқаратындарын мәлімдесті.
Жетекші елдердің іс-әрекетіне қарамастан, жұма күні Америка мен Еуропаның және Азияның қор биржаларындағы бағаның құлдырауы жалғасты. АҚШ өнеркәсібінің доу-джонс индексі осы аптаны 18 %-ға құлдыраумен аяқтады.
Мұнай бағасы да күрт төмендеді.