Accessibility links

Алматылық студенттер Президентке ашық хат жолдамақ


Осы аптада Алматы қаласындағы бірнеше оқу орнының 8000 студенті қол қойған ашық хат Мемлекет басшысының атына жолданбақ. Бұл туралы Азаттыққа ашық хаттың авторы — Мұхтар Шаханов атындағы «Рух пен Тіл» клубының баспасөз қызметі хабарлады.
«Студенттер проблемасын шешу Сіздің қолыңызда, Президент мырза!» деген атаумен дайындалған хатта студенттер жатақханаларда орынның жетіспеуі, мәселен С.Асфендияров атындағы медицина университетінде жоғарғы курс студенттерінің «4» пен «5-ке» оқитындарына ғана жатақхана берілетіндігі, айлық шәкіртақының инфляция деңгейіне сай еместігі, оқу орындарында сөз бостандығы мен пікір алуандығының ескерілмеуі, оқу ақысының қымбаттығы туралы мәселелерді баса көрсеткен.
«Жансыз жұмсақ қуыршақты көзге елестететін жігерсіз парламент те, сын садағына жиі ілінетін министрлер кабинеті де, жергілікті атқарушы билік өкілдері де, университет басшылығы да біздің өтініш-тілегімізді орындауға қауқарсыз. Қазақ студенттерінің мұң-мұқтажын айтып, тікелей Сіздің өзіңізге ашық хат жазуымыздың себебі де сонда. Еліміздің жастары Сіздің жауабыңызды асыға күтеді. Студенттер проблемасын үкімет пен парламент талқысына салуға қол ұшын беруіңізді қалаймыз», — делінген ашық хатта.

AzattyqTV

Террорға қарсы күрес

"ИМ" тобын тықсырды

Аудиоподкаст

XS
SM
MD
LG