Сириялықтар АҚШ рейдіне наразылық танытты

Бүгін Сирия астанасы Дамаскіде мыңдаған адам шеруге шығып, АҚШ тікұшақтарының шабуылына байланысты наразылық танытты. Сирия ресмилерінің айтуынша, жексенбі күні АҚШ тікұшақтары Ирақ шекарасына жақын жердегі Сирия ауылын атқылап, 8 адамды өлтірген. Сирия президенті Башар әл-Ассадтың суреттерін қолдарына ұстап шыққан шерушілер Америкаға қарсы ұрандар айтты. Бүгін таңертең Сириядағы АҚШ елшілігі зорлық-зомбылық әрекеттері болуы мүмкін деп, бір күнге жабылды. АҚШ үкіметі жексенбі күні Ирақтан жасалған рейд жөнінде ресми түрде әлі ешнәрсе айтпады.